Ғалия Өмірбекқызы 1963 жылы Алматы облысы, Жамбыл ауданы, Жамбыл Жабаев атындағы ауылда дүниеге келген. 12 балалы үлкен отбасында тәрбиеленген Ғалия ханым ата-анасының арқасында еңбекқорлық, жауапкершілік, сыйластық және адамгершілік қасиеттерін бойына ерте сіңірген. Отбасында бауырларымен бірге өсуі оның адаммен қарым-қатынасына, командада жұмыс істеу қабілетіне ерекше әсер еткен.

(Сурет:Ұйымдастрыушылардан алынған )

 Мектепті бітірген соң Алматы қаласындағы техникалық оқу орнын тәмамдаған. Кейінгі білімін Қаныш Сәтпаев атындағы университетте толықтырып, кәсіби біліктілігін арттырған. Еңбек жолын 1990 жылы экология саласында бастаған Ғалия ханым қарапайым маман ретінде қызмет етсе де, табандылығы, жауапкершілігі және кәсіби шеберлігі арқасында біртіндеп ауданның басшысы деңгейіне көтерілген. Соңғы 5 жыл бойы қалалық экология бөлімін басқарып, Алматының жасыл желекті, таза қаласын қалыптастыруға жауапты болып келеді.           

Аудан мен қала әкімдерінің, министрліктің 15 грамотасы, 9 жыл бұрын Президенттің «Ерен еңбегі үшін» медалі – оның адал еңбегінің белгісі. Ғалия ханымның кәсіби тәжірибесі мен жауапкершілігі тек марапаттармен ғана емес, қызмет барысында қалыптасқан құрметпен де бағаланады.

Ғалия Тулегенова жас мамандарды тәрбиелеуге ерекше көңіл бөледі. Соңғы 20 жылда ол 120-дан астам жас маманға тәлім беріп, олардың кәсіби біліктілігін арттыруға үлес қосқан. Ол жастарға тек теорияны емес, нақты практикалық тәжірибесін, адамдармен дұрыс жұмыс істеу мәдениетін үйретеді. Әлеуметтік желілер арқылы жыл сайын 500-ден астам азаматтың экологиялық мәселесіне жедел жауап беріп, оларға көмек көрсетеді. Бұл оның халық алдындағы жауапкершілігінің және адалдығының көрінісі.

35 жылдық тәжірибесі барысында Ғалия ханым қаланың экологиясын жақсарту, жасыл желекті көбейту, қаланың көрікті және таза қалуына үлес қосу бағытында 200-ден астам жобаны жүзеге асырды. Ол сенімді: бүгінгі жас мамандар мен болашақ ұрпақ Алматыны таза, гүлденген, көркем қалаға айналдыруға лайықты үлес қосады. Ғалия ханым үшін заңды сақтау, әділдік пен адалдықты ұстану – басты принцип.

Ғалия Тулегенова – тек экология маманы емес, сондай-ақ, өз ісіне адал, халқына жанашыр азамат. Оның қызметі Алматы қаласының көріктенуіне ғана емес, жастарға тәрбие беруге, олардың кәсіби шеберлігін арттыруға бағытталған. Оның еңбегі ешқашан зая кетпеді, ал қаланың жасыл желегі мен таза ауасы – сол еңбектің айқын көрінісі.

Қаланың көркемдігі мен таза экологиясы – Ғалия ханымның өмірлік миссиясы. Ол сенімді: бүгінгі жас мамандар, болашақ ұрпақ – Алматыны гүлденген, жасыл, таза қалаға айналдыратын азаматтар өсіп келе жатқанына. Әрбір жас маман оның тәжірибесін үлгі тұрып, қаланың дамуына өз үлесін қосады деп сенеді.

Ғалия Тулегенова – Алматы қаласының экологиясына 35 жыл бойы адал қызмет етіп, оның болашағына бағытталған қажырлы еңбектің символы. Ол тек өз ісіне ғана емес, жастарға берер тәрбиесімен, адалдық, жауапкершілік пен халыққа деген жанашырлық қасиеттерімен де үлгі болып отыр.

Mezgil.kz