Бүгін Мемлекет басшысы Қасым-Жомарт Тоқаев Конституцияның 30 жылдығына арналған сөзінде ел дамуының құқықтық, саяси және институционалдық негіздерін қайта пайымдады.

(Сурет:https://janabastau.kz/)

Үш негізгі бағыт – бұл жай ғана декларация емес, елдің болашағына бағытталған жүйелі бағдар.

1. Тарихи сабақтастық – әлеуметтік ұжымдық жадтың тірегі

Президенттің құқықтық дәстүрлерге сілтемесі – ұжымдық жад пен мәдени кодты қайта тану. «Қасым ханның қасқа жолы» мен «Жеті жарғы» – бұл тек құқықтық нормалар емес, әлеуметтік тәртіптің, әділет пен жауапкершіліктің тарихи формалары. Бұл ұстаным қазіргі қоғамда моральдық тұрақтылықты сақтауға бағытталған.

2. Конституциялық реформа – азаматтық субъектілікті күшейту

Президенттің «Әділетті Қазақстан» тұжырымдамасы – азаматтардың құқықтық мәртебесін формалдықтан мазмұнға көшіру. Бұл – азаматтың мемлекетпен қатынасын қайта құру, яғни субъект ретінде тану; әлеуметтік капиталды арттыру, сенім мен қатысудың жаңа формаларын қалыптастыру

3. Институционалдық тұрақтылық – әлеуметтік жүйенің орнықтылығы

«Күшті Президент – ықпалды Парламент – есеп беретін Үкімет» қағидаты – билік құрылымының әлеуметтік легитимділігін арттыруға бағытталған. Бұл модель азаматтардың институционалдық сенімін қалыптастыруға, саяси қатысуды кеңейтуге және әлеуметтік тұрақтылықты қамтамасыз етуге мүмкіндік береді.

Конституция – тек заңдар жиынтығы емес, ол – қоғамның әлеуметтік келісімі, азаматтық мәдениеттің негізі. Президенттің үш бағыты – Қазақстан қоғамының құқықтық, мәдени және институционалдық дамуын үйлестіретін кешенді бағдар.

Mezgil.kz