Шымкент қаласында аурухана қабылдау бөлімінде екі ер адамның арасында жанжал туындап, соңы төбелеске ұласқан. Оқиға орнына полиция қызметкерлері келгенімен мекемеде тыныштық сақталмаған.
(Сурет:https://zhasalash.kz/)
Облыстық денсаулық сақтау басқармасының мәліметінше, жанжал кезінде бір ер адам екіншісіне соққы беріп, салдарынан бас сүйек-ми жарақатын алған. Дәрігерлер зардап шеккен азаматқа шұғыл көмек көрсеткен.
Куәгерлердің айтуынша, алғашқы соққыдан кейін жанжал шығарған ер адам ашуын баса алмай, полиция қызметкеріне де қоқан-лоқы жасаған.
Полиция департаменті оқиғаға қатысты күдіктінің ұсталғанын растады.
Аталған жайт бойынша қылмыстық іс қозғалды. Күдікті ұсталып, уақытша ұстау изоляторына қамауға алынды. Қазіргі таңда оқиғаның барлық мән-жайын анықтауға бағытталған кешенді тергеу іс-шаралары жүргізілуде.
Mezgil.kz
Эл.почта: nurgeldi.usbanov@mail.ru
Тел: 87787807494, 87083164776