28 мамыр күні «Euronews-те» президент Қасым-Жомарт Тоқаевтың «Орта державалар: мультилатерализм қағидаттарын ілгерілету» атты эксклюзивті мақаласы жарық көрді.

(Коллаж: Mezgil.kz)

Президент: «Украинадағы қақтығыс дипломатиялық тұйықты туғызып отыр. Газа секторындағы қазіргі жағдай эпикалық гуманитарлық апатты білдіреді. Ал Үнді-Тынық мұхиты өңіріндегі шиеленіс сындарлы өзара іс-қимыл есебінен соғыс шегіндегі теңгерімді күшейтеді», - деп сөз етеді.

Мемлекет басшысы одан ары өз ойын былай деп:

«БҰҰ Қауіпсіздік Кеңесінің тұрақты мүшелері иеленетін вето құқығы жаһандық дағдарыстарға қарсы батыл іс-қимылдарға кедергі келтіре отырып және ұжымдық іс-қимылдарға қарағанда біржақтылыққа ұрындыратын аталған тәсіл талас-тартыстардың қайыра белең алуына әкеп соғады», - деп жалғастырды.

Президент біз секілді елдердің осы тұрғыда «өз өңірлерінде және одан тыс жерлерде тұрақтылықты, бейбітшілік пен дамуды қамтамасыз ету үшін әлеуеті өсіп келе жатқан негізгі ойыншыларға айнала алады» деп санайды.

Тоқаевтың пікірінше, астамшыл державалардың мойына саясаттың ауыртпалықтары жүктелген, ал «біздің икемділігіміз бізге күрделі дипломатиялық жағдайларда бағдарлануға және ымыраласу мен татуласуға жол ашуға мүмкіндік береді», - деп жалғастырады.

«Ірі державалар көпжақты үдеріске сенгісі келмейтіндіктен, ал ұсақ елдер қажетті ықпалға ие болмағандықтан, орта қағанаттардың міндеті - қақтығыстарға басшылық жасау болып табылады. Қазақстан сияқты елдер жаңа әлеуетімен алға қадам басып, өз рөлін тек қатысушы ретінде ғана емес, сонымен қатар жаһандық аренадағы жауапты менеджерлер ретінде бекітуі тиіс», -  дей келе Мемлекет басшысы:

«Біздің ұжымдық іс-қимылымыз бүгінгі бейбіт күнге ғана емес, гүлденген әрі үйлесімді болашаққа деген адалдығымызды көрсетсін. Бұл оңай міндет емес, бірақ батылдықтың, көшбасшылықтың және диалогты берік ұстанудың арқасында біз бүгінгі проблемаларды ертеңгі жетістіктерге айналдыра аламыз. Көпжақты жаңару дәуіріне жол салайық», - деп Тоқаев барлық халықаралық серіктестерді көпжақтылықты нығайту үшін Қазақстанға қосылуға шақырды.

Mezgil.kz