Бүгін Президент Тоқаев ҚХА жиынында сөз сөйледі. Елішілік һәм еларалық бірсыпыра мәселеге тоқталды. Атап айтқанда: Ұлтаралық татулық пен бірлік идеясын дамытуды, түрлі этнос өкілдерін ортақ идея мен мемлекетшілдік идеяға топтаудың маңыздылығын айтты. Алыс-жақын көрші елдермен қарым-қатынасты дамытуға ерекше көңіл бөлінетінін сөз етті. Жаһандық шиеленісті жағдайларға қатысты Қазақстанның ұстанымын білдірді.

(Суреттер: Ақорда телграм арнасы және assembly.kz)

Осы ретте біз ҚХА мүшесі, саясаттанушы Аладин Мұстафаевтың пікірін оқырман талқысына ұсынамыз...

Аладин Мустафаев:

– Биыл Қазақстан халқы Ассамблеясы өзінің отыз жылдығын атап өтуде. Осы жылдар ішінде ол консультативтік-кеңесші органнан азаматтық қатысудың толыққанды институтына дейін дамып, Қазақстан мемлекеттілігінің сәулетіндегі маңызды факторға айналды.

Саяси тұрғыдан – ҚХА көпмәдениетті қоғамның сын-қатерлеріне қазақстандық бірегей жауап болып табылады. Оның арқасында этникалық мәселені саясиландыруды болдырмауға, мемлекет пен қоғам арасындағы диалог үшін жұмыс алаңын құруға, этномәдени бірлестіктерді түрлі деңгейдегі шешімдер қабылдауға қосуға мүмкіндік туды.

Президент Қасым-Жомарт Тоқаев атап өткендей, Ассамблея жай ғана рәміз емес, «мемлекеттігіміздің іргетасын нығайта түсетін негізгі институт». Бүгінгі таңда ҚХА парламенттік өкілдік етеді, ондаған көптеген іс-шараларды үйлестіреді, Достық үйлерінің кең желісін басқарады, білім беру, медиа жобалары мен халықаралық бастамаларды жүзеге асырады.

Ассамблея өткенді ғана емес, болашақты да қамтиды. Жаһандық турбуленттілік пен көптеген елдердегі этникалық поляризацияның күшеюі жағдайында Қазақстан «әртүрліліктегі бірлік» принципіне негізделген біртұтас азаматтығы бар ұлттың жұмыс үлгісін ұсынады.

ҚХА мүшесі ретінде айтарым – Ассамблея республика бойынша барлық салаларда, маңызды салаларда үлкен жұмыс атқарып жатыр. Сондықтан оның қызметі жай ғана «келісім үшін келісім беру» механизмі емес екенін мойындау маңызды. Бұл – әлеуметтік-саяси жаңғыртудың стратегиялық құралы. Бұл белсенді жұмыс, құндылық консенсусын қалыптастыру, онсыз тұрақты даму, әділеттілік пен сенім мүмкін емес.

Mezgil.kz